Leeds-in Aaronson an lalut dawn

Leeds United leh Red Bull Salzburg chuan United States international Brenden Aaronson chungchangah pound maktaduai 28-in inremna an nei a, kum 21 mi Aaronson hian work permit a neih theih chuan July 1-ah English club hi a zawm ang.

American winger Aaronson hian kum nga daih contract a ziak a, kum 2027 thleng Elland Road-ah a cham thei dawn. Leeds boss Jesse Marsch hian Salzburg a enkawl laiin Aaronson hi a lalut tawh a, kum 2021 khan Austrian league leh cup-ah an champion.

Aaronson hi United States tan vawi 18 a khel tawh a, goal nga a khung tawh. Attacking midfielder bakah winger angin a khel thei a, position pahniha ṭha taka a khelh theihna hian a hlutna a belhchhah.