Thlan theih zingah Ten Hag a ṭha fal - Murtough

Manchester United football director John Murtough chuan Erik ten Hag chu manager nghet an lak theih zinga ṭha fal ber a nih thu a sawi. Kum 52 mi Ten Hag hi April thla khan Manchester United manager nghet a nih tur thu puan a ni a, Dutch manager hian interview-naah Murtough bakah United thuneitu dangte a hmin hle.

Murtough chuan, "Châkna sang tak, chakna thahrui leh thathona a pho chhuak," tiin Ten Hag a fak a, Dutch manager hian Man United training-na hmun Carrington-ah danglamna a thlen ṭan thu a sawi tel bawk.

Ajax champion puitu manager Ten Hag hi Mitchell van der Gaag leh Steve McClaren ten an pui dawn. Van der Gaag hian Ajax-ah Ten Hag hi a pui tawh a, McClaren hi Manchester United-ah Sir Alex Ferguson a puih tawh bakah England manager hial ni tawh a ni.