Villa an inthuam ṭha

Aston Villa chuan Sevilla aṭangin pound maktaduai 26-in Brazil centre-back Diego Carlos an lalut. Villa hian Barcelona aṭanga an hawh Philippe Coutinho chu an la nghet tawh a, free transfer-in Marseille aṭangin Boubacar Kamara an la tawh bawk.

Villa manager Steven Gerrard chuan tun hnai khan centre back Ezri Konsa chuan khup hliam vangin season bul a ṭan theih loh tur thu a sawi a, Carlos tan first eleven-a dinhmun insawhnghet theihna remchang a ni thei ang.

Kum 29 mi Carlos hi January thla khan Newcastle United-in lakluh an tum a, an hlawhchham. Nikum Tokyo Olympics-ah khan Carlos hian an ram Brazil chu gold medal a lakpui a, tawnhriat ṭha tak nei a ni.