Real Madrid record a ṭha fal

Europe club-te tana football inlena sang ber Champions League/European Cup-ah Real Madrid record a ṭha fal a, vawi 14 an champion ta. Los Blancos nomawi 14 zinga paruk hi 1970 hmalam kha niin UCL hming a put hnuah vawi riat an champion leh tawh.

Hei chauh hi a ni lo, tun hnai kum 10 chhungin vawi nga an champion. Cristiano Ronaldo hian UCL nomawi vawi nga a chawi tawh a, tun ṭuma Los Blancos an champion chiah hian Portuguese forward nih rual thei player pariat an awm belh.

Chung player pariat zinga paruk Karim Benzema, Casemiro, Dani Carvajal, Toni Kroos, Nacho leh Luka Modric ten final-ah bul an ṭan a, player dang pathum Gareth Bale, Isco leh Marcelo te erawh bench-ah an ṭhutluan. Marcelo hi Real captain a ni a, a tawpah nomawi a chawi. Brazilian left back hi season tawp rualin a contract a zo dawn a, Madrid a chhuahsan tawh ang.