Bethel FC an ṭha fal

MFA Cup 2017-ah Bethel FC-in Lawngtlai club North Gate chu 10-0 zetin an sawp a, match khat khelh tur la awm mah se Group A hmahruaitu ni chungin semifinal an lut.

Nimin inkhel dangah Aizawl champion Mizoram Police pawhin an match hmasa bera Champhai club an hneh loh hnuah nimin khan Chhim Veng FC, Mamit chu 4-0 in an hneh ve bawk.

Bethel tan captain Isaac Lalrinngheta'n nimin inkhelah goal li khungin hattrick hmasa ber a siam a, PC Lalengmawia'n hattrick a siam bawk. Champhai club hian match hnihah goal an chhuah lo a, goal 14 zet an khung.

Mizoram Police-in harhtharna an chang a, point thum hmu tawh Chhim Veng goal li zeta an hneh avangin semifinal lut turin an dinhmun a ṭha a, amaherawhchu champion tur chuan an insiamṭhat a ngai ang.

Inkhel hnuhnung berah Project FC-in anmahni ang bawka match hmasa bera chak Hmar Veng FC 2-1 in an hneh a, Kolasib club hi Group B aṭanga semifinal lut tluk an ni tawh. Vawiin hian Chapchar Kut vangin inkhel a awm dawn lo a, Inrinni khian match thum a awm leh ang.

Results leh Team dinhmun
Group A
North Gate 0 - 10 Bethel FC
BEL : H. Zonunthara 3'; Isaac Lalrinngheta 30', 32', 42', 71'; C. Lalmuanawma 45+2' (P); PC Lalengmawia 51', 85', 88'; C Lalremruata 67'
Mizoram Police 4 - 0 Chhim Veng FC
MPFC : Lalbiaknunga 17'; Zohmingmawia 25'; Lallawmzuala 74'; Vanlalhriata 80'
# Team Pld GF GA GD Pts
1 Bethel FC 2 14 0 14 6
2 Mizoram Police 2 4 4 0 3
3 Chhimveng FC 2 2 5 -3 3
4 North Gate FC 2 1 12 -11 0
Group B
Hmar Veng FC 1 - 2 Project FC
HMA : Lalremruata 42'
PRO : Andy Lalrinpuia 8'; F. Lalnunhlua 36'
# Team Pld GF GA GD Pts
1 Project FC 2 5 3 2 6
2 Hmar Veng FC 2 7 3 4 3
3 Bazar Veng FC 1 2 3 -1 0
4 FC College Vaih 1 1 6 -5 0