NECS Cup 2017 Chanmari West an tla

Mizoram Premier League club nei veng Chan­mari West chuan NECS Cup 2017 last 16 an lut zo lo. Nimin khan Ramhlun Sports Com­plex-a inkhelah Ram­hlun North chuan D. Liansanga goal khat hmangin Chanmari West hi an hneh.

Aizawl DFA buatsaih veng leh veng inelnaah inkhelh thiam khua Lengpui chuan Sihphir Venghlun 2-0 a hneh loin Round of 32 aṭangin an tla bawk. Lengpui hian tun hma pha lo deuh mah se inkhelh an la thiam reng a, amaherawhchu tun hnaia hmasawn tak Sihphir Venghlun lakah an ding khawng zo lo.

Kumin NECS Cup khelh mekah team 10 - Zemabawk North, Venghlui, Bawngkawn, Sihphir Venghlun, Ram­hlun North, Ramhlun South, Electric Veng, Luangmual, Bethlehem leh Chhinga Veng ten last 16 an lut tawh. Vawiin leh naktukah inkhel a awm dawn lo. March 6, Thawhṭanniah khelh chhunzawm leh a ni ang.

NECS Cup 2017-ah hian last 16 aṭangin tie draw neih ṭhat leh tur a ni a, tunah hian last 32 khelh mek a ni.

Nimin Inkhel Results
RAMHLUN SPORTS COMPLEX
Republic Vengthlang 1 - 1 Bawngkawn
Penalty shootout-ah Bawngkawn 4-2 in an chak.
REP : Lalsangzuala 7'
BAW : Lalṭhakima 68'
Chanmari West 0 - 1 Ramhlun North
RAM : D Liansanga 5'
Electric Veng 3 - 2 Durtlang Leitan
ELE : R. Lalmuanpuia 3', 31'; C. Laldinmawia 47'
DUR : B. Zoramthara 44'; Lalrinchhana 68'
Vaivakawn 0 - 0 Luangmual
Penalty Shootout-ah Luangmual 4-3 -in an chak
REPUBLIC VENG KHELMUAL
Lengpui 0 - 2 Sihphir Venghlun
SIH : Vanlalruata 67'; Zoliansanga 80'
Ramhlun South 2 - 0 Phunchawng
RAM : Lalremruata 60'; Eric Pazawna 78'
Ramthar Veng 1 - 1 Bethlehem
Penalty Shootout-ah Bethlehem 3-1 in an chak
RAM : Francis Lalhmingthanga 65'
BET : R. Lalropuia 51'
Chhinga Veng 0 - 0 Ramhlun Venglai
Penalty Shootout-ah Chhinga Veng 3-2 in an chak