Kidambi Srikanth a chak nghal

Badminton inelna ngaihhlut pakhat German Open Grand Prix Gold-ah Kidambi Srikanth chuan Nilaini zan khan a match hmasa ber khelin Alen Roj chu straight game in a hneh.

Indian shuttler hian Alen lakah hian harsatna a tawk lo a, minute 21 chhung lekin 21-4 21-11 in hnehna a chang. Second round-ah chuan Japanese shuttler Yusuke Onodera a hmachhawn leh ang.

Inkhel dangah Lin Dan leh Chen Long te pawhin an match hmasa berah harsatna nei loin hnehna an chang. Rio Olympic champion Chen hian Japanese player Kenta Nishimoto 21-10, 21-9 in a hneh. Olympic Champion vawi thum ni thei Lin chuan Indian player Siril Verma 21-13, 21-10 in a hneh ve bawk.