Semifinal-ah Mizoram Police?

MFA Cup 2017-ah Mizoram Police-in vawiin chawhmaa North Gate an hneh chuan semifinal an lut dawn. Lawngtlai club North Gate hian match hnih an khelhah goal 12 an chhuah a, vawi hnih an chak tawh loh avangin Police tan knockout thlen a harsa lo ang.

Police hian point an hmu lo a nih pawhin Bethel FC puihnain semifinal an lut thei bawk. Champhai club hian goal 14 an khung tawh a, goal an chhuah loh bawk avangin Bethel FC hi Chhimveng FC tan khelh an harsa ang. Mamit club Chhim Veng tan semifinal lut turin chak ngei a ṭul a, Mizoram Police result-ah an innghat tel bawk.

Vawiin tlai dar 2:00-ah Group B inkhel a awm bawk ang a, Bazar Veng FC leh FC College Vaih ten an match hmasa berah an khingpui an hneh lo ve ve a, a chak zawkin semifinal beiseina an nei thar ang.

Vawiin Inkhel Tur
Group A
10:00 AM North Gate Vs Mizoram Police
12:00 PM Bethel FC Vs Chhimveng FC
Group B
02:00 PM Bazar Veng FC Vs FC College Vaih
Team Dinhmun
Group A
# Team Pld W D L GF GA GD Pts
1 Bethel FC 2 2 0 0 14 0 14 6
2 Mizoram Police 2 1 0 1 4 4 0 3
3 Chhimveng FC 2 1 0 1 2 5 -3 3
4 North Gate FC 2 0 0 2 1 12 -11 0
Group B
# Team Pld W D L GF GA GD Pts
1 Project FC 2 2 0 0 5 3 2 6
2 Hmar Veng FC 2 1 0 1 7 3 4 3
3 Bazar Veng FC 1 0 0 1 2 3 -1 0
4 FC College Vaih 1 0 0 1 1 6 -5 0