Manchester City-in Aguero be lo

Manchester City striker Sergio Aguero chuan Etihad Stadium-a a hmalam hun chungchangah City chuan inbiakna engmah an la neihpui loh thu a sawi a, tun hnaia Real Madrid nena sawi zawm hlawh striker dinhmun a chiang ta lo hle.

City-in January thlaa Gabriel Jesus an neih hnuah Aguero-a'n bench-ah hun a hmang tam zawk a hmang a, Brazilian forward inhliam hnuah erawh match hnih khel leh tawhin goal li a khung. Argentine striker Aguero chuan, "Ka hmalam hun chungchang chu club-in ṭul an tih hunah ngaihtuahin min hrilhriat tur a ni," a ti.

Kum 2020 thleng contract la nei mek striker chuan sawi chhunzawmin, "June-ah chuan engkim chiang turah ka ngai. Club chuan a duhdanin thutlukna a siam ang a, mah se June-ah min biak a ṭul thung ang. Keichuan he hmuna cham hi ka duh ber a ni. Thla thum chhung ka theihna zawng zawng pe turin hun ka la nei a, nomawi kan chawi ngei ka beisei," a ti a, City-a a hmalam hunah engmah a la chian loh thu a sawi.

Manchester City hian Pathianni zan dar 9:30-ah Sunderland chu Premier League match khel turin an lenchilh ang.