Celtic legend Gemmell a thi

May 25, 1967-a Lis­bon khawpuia British club zinga European Cup nomawi chawi hmasa ber ni tura Inter Milan 2-1 a hnehtu Celtic player zinga mi Tommy Gemmell chu hun rei tak chhung dam lohna avanga khum beta a awm hnuah a thi a, kum 73-a upa a ni.

Gemmell hi defender ni mah se goal khung thei tak a ni a, Celtic tan vawi 418 a inlanah goal 63-a khung. European Cup final-a Inter Milan an hneh ṭum pawh hian goal a khung a, 1970 European Cup final-a Feyenoord 1-2 a an ngam loh ṭum pawn Scottish club tan goal awmchhun a khung.

Celtic chief executive Peter Lawwell chuan , "Tom­my-a kalsan tak a nupui, a fate leh a ṭhianṭhate kan hre reng a ni. Tommy kha Celtic tan mai ni lo football khawvel tan player ropui tak a ni a, Celtic legend huang chhungah a tel reng ang," tiin an player ropui chu a thlah.