Cologne mualah Bayern

Arsenal, Hamburg leh Schalke te an sawp hnuah Bayern Munich chuan zanin dar 8:00 hian Bundesliga match 23-na khel turin Cologne khelmualah an lut dawn.

Bayern hian Cologne hi an ngam hle a, vawi 13 an tlawh hnuhnungah vawi khat chiah chak loh an nei. Carlo Ancelotti tan coach a nih hnuah a team te match 1002 a enkawl tlinna tur chiah a ni a, kar leh a Arsenal nen Champions League last 16 khel zui tur an nih bawk avangin Bayern tan Cologne lakah result ṭha neih a pawimawh ang.

German champion tan hian Franck Ribery chuan Nilaini zan khan Schalke lakah a dam chiang tawh tih a lantir leh tawh, France international hlui hi an goal pathumah a inrawlh vek. Tun din­hmunah Bayern tan hian defender Jerome Boateng chiah player langsar zinga inkhel thei lo a ni.

Champion lai Bayern hian match 22 khelh aṭanga point 53 hmuin league hmahruaitu an ni mek a, pahnihna a awm RB Leipzig nen an inkarah point nga awm.