European Golden Shoe dawngtu Lewy

Bayern Munich striker Robert Lewandowski chuan kum zawnin European Golden Shoe chawimawina a dawng. Polish striker hian tun season-ah goal 35 a khung.

European Golden Shoe-ah hian league sang panga a khel chu an goal khung pahniha puntir a ni a, league sang parukna aṭanga 22 te chu an goal khung 1.5 a puntir niin 22 hnuai lam ho chu an goal khung pakhata puntir a ni.

Lewy hian goal 35 a hmu a, 70 points a hmu. Amah hnaih bertu Kylian Mbappe-a'n goal 28 a khung. Polish striker hian season liam ta khan goal 41 khungin a vawi khat nan European Golden Shoe chawimawina a vawi khat nan a dawng a, kumin hi a vawi hnih dawnna a ni.

Bayern striker Lewy hian Allianz Arena-ah kum khat contract a la nei a, pawhsei a tum lo. Tun nipui bazarah Lewy hi chhuak thei tur zinga mi a ni a, Barcelona nen an sawizawm. Bayern Munich hian Lewy thlakna tur an hmu a nih chuan chhuah an remti dawn niin an sawi.

PSG forward Lionel Messi-a'n Barcelona tan a khelh laiin Euro-pean Golden Shoe chawimawina hi vawi ruk zet a dawng tawh a, amah hnaih bertu Cristiano Ronaldo-a'n vawi li a dawng tawh bawk.