NECS Cup 2017 Inkhel hmuhnawm ni

Kum 2015 NECS cup champion Armed Veng chuan Republic Veng Khelmualah vawiin chawhma dar 11:00 hian a khelmual neitu Republic Veng an hmachhawn dawn. Mizoram Premier League club nei veng - Chanmari leh Dinthar te an inlan dawn bawk avangin tualchhung foot­ball ngainatutte tan vawiin hian inkhel hmuh­nawm en tur a awm ang.

Aizawl DFA buatsaih NECS Cup-ah hian team 10 - Zemabawk North, Venghlui, Bawngkawn, Sihphir Venghlun, Ramhlun North, Ramhlun South, Electric Veng, Luangmual, Bethlehem leh Chhinga Veng ten last 16 an lut tawh a, vawiin hian round of 32 khelh zawh a ni dawn.

Last 16 inkhel tur hi Ningani zan hian Chan­mari YMA Hall-ah pawh a ni ang a, LPS-ah live a pek chhuah a ni ang. Quarterfinal a lut chinte chu pool pahnihah ṭhen hran an ni leh dawn a, an inkhelh kual hnuah pool pakhat ve ve a sang ber leh pahnihna ten semi­final an khel dawn a ni.

Vawiin Inkhel Tur
RAMHLUN SPORTS COMPLEX
09:30 AM Thingsulthliah vs Tuikual North
11:00 AM Armed Veng South vs Chanmari
12:30 PM Saikhamakawn vs Chite Veng
REPUBLIC VENG KHELMUAL
09:30 AM Chaltlang vs Chawnpui
11:00AM Armed Veng vs Republic Veng
12:30 PM Dinthar vs Salem