Record siamtu Cavs chak lo

Cleveland Cavaliers chuan Inrinni zing khan Atlanta Hawks 135-100 in an hneh a, three points vawi 25 ngawt vawm lutin NBA regular game pakhata three point nei hnem ber record an siam. NBA champion hian nimin zing khan Miami Heat hmachhawn zui lehin 120-92 in an chak lo.

Cleveland hian Hous­ton Rockets leh Denver Nuggets ten record inṭawm an lo siam tawh match khata three points vawi 24 neih chu an khum ta a. Beiseina sang tak nen Miami hmachhawn zui nghal mah se tun season-a vawi 19 an chak lohna an tawng zui zat a ni.

Heat an hneh loh ṭum hian Cavaliers coach Tyronn Lue-a'n a lo sawi lawk tawh angin LeBron James leh Kyrie Irving te a hahchawlhtir a, an star player pahnih tel loin Cavs an ding zo lo.

Cavs hian NBA regu­lar season kal mekah match 42 hnehna an chang tawh a, Eastern Conference hmahruaitu an la nih chhunzawm zel - Thawhlehni zing dar 5:30-ah Miami Heat hi an lo mikhual ve thung ang.