Man United-ah Reds fitness coach hlui

Manchester United chuan Liverpool fitness coach hlui Andy O’Boyle chu deputy football director atan an lalut. Kum 39 mi O'Boyle hian United football director John Murtough nen first team bakah hmeichhe team leh academy tan thlengin an thawk dun ang.

O'Boyle hian tun hmain Carrington-ah youth team a enkawl tawh a, a kaihhruai zingah Marcus Rashford pawh a tel. Amaherawhchu Man United a chhuahsanna hi kum 16 liam ta kha a ni a, hemi hnu hian Liverpool, England Under-21, Coventry City leh Wrexham-ah te a thawk tawh.

Reds-a a thawh lai hian Jurgen Klopp hnuiaah a thawk a, Man United-a a hna tur hi player talent ṭha zawn leh lakluh a ni ber. Murtough, "Man United-a Andy kan lalut leh hi kan lawm a, hna pawimawh tak a chelh dawn. Football kaihhnawih hna chin hrang hrang a thawk tawh a, a tawnhriat ṭha tak hi kan hlawkpui ngei ka beisei," tiin a sawi.