England squad aṭangin White a inhnukdawk

Arsenal defender Ben White chu inhliam vangin England squad aṭangin a inhnukdawk. England hian June 4-ah Budapest-ah Hungary an hmachhawn ang a, ni thum hnuah Germany nen Munich-ah an inhmachhawn ang.

Kum 24 mi White hi April thla tawp khan a inhiam a, Newcastle United nen match pawimawh an inkhelh ṭumin lo let mah se 2-0 in an chak lo. Gunners hian league match hnuhnung berah Everton chu 5-1 in an sawp a, hemi ṭum hian White hi bench-ah a ṭhu tluan.

White hi Arsenal-ah a inenkawl chhunzawm ang. Gunners defender awm lo mah se England squad-ah centre back panga Marc Guehi, Harry Maguire, Conor Coady, John Stones leh Fikayo Tomori te an la awm a, mamawh dan a zirin Kyle Walker pawh a laiah a dah theih bawk.