Lunglei club an dingchang

MFA Cup vawi 17-naah nimin khan Bazar Veng FC-in Serchhip club Hmar Veng chu 2-1 a hnehin semifinal an lut.

Group B inkhel dangah Project FC-in Siaha club FC College Vaih 5-1 in an sawp a, Kolasib club hian an khingpui hneh vekin group hmahruaitu an ni.

Ṭhuamluaia Muala inkhelah hian Lunglei club Bazar Veng FC-in chak an mamawh a, Serchhip club tan semifinal lut turin draw a tawk. Mualneitu har­satna belhchhah tur­in Hmar Veng FC-in Malsawmkima hmang­in minute 65-na­ah hma an hruai a, amaherawhchu Lunglei club an tlawm duh lo - AIFF Aca­de­my rawlthar B. Ro­hming­thanga leh H. Lal­ramzauva te goal hmangin an lehthal.

Semifinal hi March 8 hian khelh a ni dawn a, Lunglei club Bazar Veng hian Group A hmahruaitu Champhai club Bethel FC an hmachhawn ang. Project FC-in season thara MPL khel tur Mizoram Police an hmachhawn thung ang.

Nimin Inkhel Results
Group B
Project FC 5-1 FC College Vaih
PRO : Vanlalnghaka 17'; Ricky Zonunmawia 64', 90'; Ricky Rohmingliana 87'; Andy Lalrinpuia 89'
COL : Lalrinchhana 79'
Hmar Veng FC 1-2 Bazar Veng FC
HMA : Malsawmkima 65'
BAZ : B. Rohmingthanga 79'; H. Lalramzauva 87'
Team Dinhmun
# Team Pld W D L GF GA GD Pts
1 Project FC 3 3 0 0 10 4 6 9
2 Bazar Veng FC 3 2 0 1 7 5 2 6
3 Hmar Veng FC 3 1 0 2 8 5 3 3
4 FC College Vaih 3 0 0 3 3 14 -11 0
Semifinal Inkhel Tur
March 8, Nilaini
11:30 AM Bethel FC Vs Bazar Veng FC
01:30 PM Project FC Vs Mizoram Police FC