German Open champion Tien Chen

Badmintion inelna ngaihhlutte zinga pakhat Yonex German Open 2017 chu Pathianni tlai khan khelh zawh a ni a, mipa final-ah Tien Chen Chou chuan Wang Tzu-Wei hnehin nomawi a chawi.

Muelheim-a neih he inelnaah hian Chinese Taipei shuttler hian a hnampui lakah 21-16, 21-14 in hnehna a chang. Tien Chen hian nikum khan final a lo lut tawh bawk a, Chinese star Lin Dan a hneh lo - kuminah erawh dinhmun ṭha a luah ve thung.

Kum 27-a upa Tien Chen hian kum 2014 Asian Games-ah khan an ram tan silver medal a lo dawng tawh a, tun ṭuma Badminton World Federation's (BWF) Grand Prix Gold event-a a champion vang hian $120,000 (Rs 80,09,400) a dawng.

Hmeichhe final-ah Rio Olympic champion Carolina Marin a inlan theih loh avangin Japanese shuttler Akane Yamaguchi chu champion a puan a ni.