MCL khelh hun sawn

Mapuia Cricket League khelh mekah nimin khan inkhel awm tura ruahman ni mah se Thawhṭanni zan ruahsur vangin Suaka Memorial Cricket Ground, Sihhmui chu hman theih a ni rih lo a, inkhelh hun tur hi vawiinah sawn a ni.

Vawiin chawhma dar 9:30-ah Zarkawt Lords leh Chhinga Veng an inkhel ang a, chawhnu dar 12:30-ah Armed Veng leh Chanmarians an inhmachhawn thung ang. MCL khelh mekah vawiin inkhel tur hi Zarkawt Lords tan match hmasa ber tur a ni a, Chanmarians-in an match hmasa berah hnehna chang tawhin Chhinga Veng leh Armed Veng-in match khat an khelh tawhah an khingpui an ngam lo ve ve thung.