Armed Veng an tla

NECS Cup 2015 champion Armed Veng chu Republic Veng hneh loin an tla. Aizawl DFA leh TṬ Royte Group buatsaih veng leh veng inelnaah hian champion lai Bethlehem Vengthlang chu Bawngkawn hneh loin an lo tla tawh bawk.

Republic Veng khel­mualah champion rin­kai Armed Veng-in Lal­biakhlua leh Lal­rinmawia te hmangin hma hruai mah se substitute Christopher Lalthlamuana hmangin Republic Vengin an sut a, penalty shootout-ah mualneitu keeper RS Lallawmzuala chu chhan­damtu a ni. Republic Veng keeper Lawma hian Armed Veng penalty pet vawi thum a dang a, vawi khat dang hi dive dik thoin goal zawnah kal lo.

Nimin inkhel dang­ah player nei ṭha veng Armed Veng South-in MPL5 champion thei veng Chanmari an hneh a, result mak a ni hran lo. MPL champion thei hmasa ber Dinthar-in an player tawnhriat neih

ṭhat an hmang ṭangkai a, Salem Veng laka goal hnih an chhuah hnuah Samuel Laltlanthanga goal hnih hmangin an siphurh an sut a, penalty shootout-ah an chak zui bawk.

February 22 aṭanga neih ṭan NECS Cup-ah hian team pali chu walk over an ni. Match 62 khelh ni tawhin hun pangngaiah goal 237 a lut tawh, match tinah 3.82 zel ang goal a lut. Team 24 te chu hun pangngaiah an inhnehtawk a, match 14 chu penalty shoot out hmanga chak zawk zawn a ni.

Kumin NECS Cup-ah hian team 84 an tel a - Zemabawk North, Venghlui, Bawngkawn, Sihphir Venghlun, Ramhlun North, Ramhlun South, Electric Veng, Luangmual, Bethlehem Veng, Chhinga Veng, Thingsulthliah, Chawnpui, Armed Veng South, Republic Veng, Chite Veng leh Dinthar ten last 16 an lut.

Ningani zan dar 8:00 hian Chanmari YMA Hall-ah last 16 inkhel tur hi pawh a ni ang a, LPS-ah live a pek chhuah a ni ang. Last 16 aṭang hi chuan Lammualah inelna hi neih a ni tawh dawn. Quarterfinal a lut chinte chu pool pahnihah ṭhen hran an ni leh dawn a, an inkhelh kual hnuah pool pakhat ve ve a sang ber leh pahnihna ten semifinal an khel ang.

Nimin Inkhel Results
RAMHLUN SPORTS COMPLEX
Thingsulthliah 4 - 0 Tuikual North
THI : Johny Lalthanpuia 20'; Isaac Vanlalruatfela 59', 61';
Joel Lalmuanpuia 64'
Armed Veng South 2 - 1 Chanmari
ARS : Lalnunsanga 8'; C.Lalbiaksanga 40'
CHA : Lalnunzama 3'
Saikhamakawn 2 - 4 Chite Veng
SAI : David Vanlalruata 42'; Francis Rambeiseia 48'
CHI : David Lalrongenga 20', 26', 42'; Jonathan Lalremruata 71'
REPUBLIC VENG KHELMUAL
Chaltlang 0 - 3 Chawnpui
CHA : Laldawngkima 37', 63'; Zarzokima 45'
Armed Veng 2 - 2 Republic Veng
Penalty shoot out-ah Republic Veng 3-0 in an chak
ARV : Lalbiakhlua 40+2' (P); Lalrinmawia 60'
REP : Christopher Lalthlamuana 57', 75'
Dinthar 2 - 2 Salem
Penalty shoot out-ah Dinthar 3-2 in an chak
DIN : Samuel Laltlanthanga 49', 54'
SAL : R. Lalṭhapuia 38', 42'