Olympiakos-in manager an ban

Greek club Olympiakos chuan Greek Super League table-a point sarih zeta hmahruai fal puitu an manager Paulo Bento an ban! 2014 World Cup-a Portugal enkawltu Bento ban a nih chhan hi tun hnaiah a zawna league match thum chhung a tlawm vang nia ngaih a ni.

Kum 47-a upa Bento hian thla sarih chhung Olympiakos hi a enkawl hman a, league match 23 a khelh pui aṭangin vawi li chiah chak loh a nei. Nikum August thla khan Olympiakos hian an manager Victor Sanchez chu match hnih chiah team a enkawl hman tihin an lo ban tawh bawk.

Tun dinhmunah Olympiakos hian point 51 hmuin nomawi chawi thei dinhmunah an ding mek, anmahni hnaih bertu Panionios chuan point sarihin an phak lo a, Europa League-ah last 16 lut tawhin Greek Cup semifinal an lut tawh bawk.

Olympiakos hian 1996-97 season hnuah ṭum hnih an awl tih loh chu Greek Super League nomawi an la chawi ziah a ni.