Kir tum lo Rosberg

Nico Rosberg chuan khawvel barakhaihin Formula 1 inelna a chawlhsan a, German driver hian car intlansiak khawvelah kir leh tumna a neih tawh loh thu a sawi chuak.

Kum 31-a upa Rosberg hian season hmasa khan Mercedes car khalh chungin a vawi khat nan Formula 1 title a la a, world champion a nih aṭanga ni nga hnu lekah infiamna khawvel a mangṭha.

Rosberg chuan, "Ka inngaihtuah ṭhin a, Formula 1 car khalh leh tumna ka nei lo. Mi tam takin ka tana ṭha tur a nih ringin kir leh turin thurawn min pe ṭhin a, mahse ka tan a rem tawh lo," tiin a sawi.

Rosberg hian kum 2006-2016 chhung khan Formula 1 inelna luhchilhin vawi 23 hnehna a chang a, podium-ah vawi 57 a lawnin a point hmuh zawng zawng chu 1594.5 a ni.