India team-ah Paes

April 7-9 chhung khian India chuan Asia-Oceania Davis Cup khel turin Bengaluru-ah Uzbekistan a lo mikhual dawn a, India squad-ah doubles player Rohan Bopanna leh Leander Paes te hming a lang.

Ram leh ram mipa tennis team hmanga inelna a inlan tura koh Paes hi kum 43-a upa a ni tawh a, a vanglai chuan singles ranking-ah world number 73 a ni tawh. Grand Slam palai - Australian, French, US Open leh Wimbledon-ah te inlan kim vek tawhin third round a pel lo. Doubles player Bopanna pawh a vanglai a pel tawh a, tunah hian kum 37 a ni tawh.

India Team : Ramkumar Ramanathan, Yuki Bhambri, Prajnesh Gunneswaran, Sriram Balaji, RohanBopanna, Leander Paes. Captain : Mahesh Bhupathi. Coach : Zeeshal Ali. Junior players : Dhruv Sunish, Nitin Kumar Sinha.