Blazers lakah Thunder an tlawm
Thawhlehni zing NBA regular season inkhelah Oklahoma City Thunder chu Portland Trail Blazers lakah 126-121 in an tlawm. Thunder hi tun season-a vawi 29 an chak lohna a ni a, vawi 35 hnehna chang tawhin Western Conference table-ah pasarihna an ni mek.
Thunder tan hian Russell Westbrook chu a dan pangngain player ṭangkai ber a ni. Kum 28-a upa Westbrook hian point score tuma vawi 29 a vawm zinga 21 hlawhtlingin, court chhungah minute 35 a awm chhungin point 58 a score! American star hian NBA game khata a point score hnem ber ṭum tawng mah se a ṭhianten an thlawp ṭhat loh avangin an tlawm.
Blazers lamah khel ṭha fal tia sawi tur awm lo mah se an ṭangrual a, Allen Crabbe (23 points), Damian Lillard (22), CJ McCollumn (21) leh Jusuf Nurkick (17) te chu player ṭangkai an ni. Blazers hian match 27 hnehna an channa niin Western Conference table-ah pakuana an ni.