Indian Wells aṭangin Serena a inhnukdawk

Tunkar chhunga khelh tur Indian Wells Masters-a inlan tura ngaih Serena Williams chu a khup na a la damchian loh avangin a inhnukdawk leh hnuhnawh.

World number 2 Serena hian Janaury thla khan Australian Open nomawi chawi­in Open Era bika Grand Slam title la hnem ber a ni a, major title 23 a kawl khawm tawh. Aus­tralian Open hnuah Serena hian inelna a la hmachhawn leh lo a, Indian Wells bakah hian Miami Open pawh a khel dawn lo.

Kum 35-a upa Serena chuan, "Ka khup na avang hian ka duhthusamin training ka la nei thei lo," tiin a inkhelh theih rih loh thu a sawi. Serena a inlan dawn loh avangin world number 2 Angelique Kerber chu seeded pakhatna a ni ang.

American star Serena hian chi inthliarna rawng­kaia inhmuhsitna a tawh avangin Indian Wells-ah hian kum 14 chhung zet a inlan loh hnuah kum 2015 khan a inlan ve leh a, kuminah inlan leh tum mah se a beisei angin thil a kal thei ta lo.