NBA Finals kan nghak chhuak ta

Basketball inelna lian leh ngaihhlut hlawh ber NBA 2021-22 season hmawr an bawk dawn. Zirtawpni zing dar 6:30-ah Golden State Warriors leh Boston Celtics ten NBA Finals game 1 an khel ang.

Boston Celtics hi Eastern Conference champion an ni a, an khingpui tur Warriors hi Western Conference champion an ni thung - anni pahnih hian NBA Finals vawi 75-na champion nih an inchuh dawn a ni.

Stephen Curry, Klay Thompson leh Draymond Green te awmna Warriors hi chak tura rinkai zawk an ni mai thei. Amaherawhchu, conference champion thei pahnih an nih avangin an ṭha tawk tih a chiang, chak chiangsa a awm thei lo.

GSW player pawimawh Green chuan, "Ka hmuh dan chuan Boston Celtics hi keini aiin an ṭha zawk, kan inkar erawh a zau lo," tiin an khingpui tur a dahsang thiam hle a, a takah erawh Amreican player hian hlauh nei miah loin a khel leh ang.

Warriors hian tun hnai season riat chhunga a vawi ruk nan NBA Finals an khel dawn. Boston Celtics erawhin kum 12 hnuah an khel ve leh dawn chauh a ni a, mahni player chherchhuah hmang thiam pahnih an ni a, basketball ngainatuten NBA Finals hi an hlut dawn.

Ime Udoka-a'n hun rei lote chhungin team nghet leh ṭha tak a din thei. 2021 aṭanga Celtics enkawltu hian conference champion an nih hnuah, "Hetiang hi Boston Celtics nihna chu a ni," tiin a sawi. NBA champion hnem ber hi GSW lakah an zam lo ang.

Jayson Tatum, Jaylen Brown leh Marcus Smart te awmna team hian inrinatwkna an nei sang, match hmasa pahnih hi Warriors khelmual Chase Center-a khelh tur a nih avang erawh chuan thapui an thawh nghal a ngai ang.

NBA Finals Fixtures
June 2, Ningani
Game 1: Golden State Warriors 06:30 AM Boston Celtics
June 5, Pathianni
Game 2: Golden State Warriors 05:30 AM Boston Celtics
June 8, Nilaini
Game 3: Boston Celtics 06:30 AM Golden State Warriors
June 9, Zirtawpni
Game 4: Boston Celtics 06:30 AM Golden State Warriors
June 13, Thawhṭanni
Game 5: Golden State Warriors 06:30 AM Boston Celtics
June 16, Ningani
Game 6: Boston Celtics 06:30 AM Golden State Warriors
June 19, Pathianni
Game 7: Golden State Warriors 06:30 AM Boston Celtics