Benzema aia thiam an awm lo

Real Madrid forward Karim Benzema chu Champions League player of the season atan thlan a ni a, match 12-a goal 15 a khung bakah assist vawi hnih a nei a, a vawi 14 nana Real champion nan a thawhhlawk takzet.

Kum 34 mi Benzema hian inelna hrang hrangah match 46 khelin goal 44 a khung a, assist vawi 15 a nei bawk - season duhawm tak a hmang a, Ballon d'Or dawng turin a hming a ri ring hle.

Hetihlai hian Real tana Benzema khelhpui Vinicius Jr chu young player of the season-ah thlan a ni a, kum 21 mi forward hian season duhawm tak a hman chhanah coach Carlo Ancelotti chu lawmthu hrilh a ba - mimal chawimawina a dawn tawhah tuna a dawn hi langsar ber a ni.