Red Bull-ah Perez a nghet

Sergio Perez chuan Red Bull car a khalh chhunzawm zel dawn. Formula 1 intlansiak hnuhnung ber Monaco Grand Prix-a hnehna changtu hian a team tan kum 2024 thleng daih contract a ziak thar a ni.

Kum 32 mi Perez chuan, "Ka tan chuan chawlhkar nuam tak a ni. Monaco GP-ah hnehna ka chang zo chauh a, tunah chuan contract thar a fel leh ta, lawmna tur lam zel a ni," tiin a sawi. Team boss Christian Horner chuan Perez an chelh thei chu lawmawm a tih thu a sawi ve bawk.

Perez leh a teammate Max Verstappen ten season an hmang ṭha. Mercedes leh Ferrari insangmar vel karah Red Bull chu team championship lamah hma an hruai pui mek.

June 12, Pathianni tlai dar 4:30 hian Baku tlankawngah Azerbaijan Grand Prix an tlan leh ang.