Chong Wei a dam

Olympic silver medal pathum dawng tawh Lee Chong Wei chuan a hliam vanga All England Badminton Championship a khelh theih a beisei loh thu a sawi hnuah a inlan a, Nilaini zan khan a match hmasa ber khelin Brice Leverdez lakah 21-15, 21-12 in hnehna a chang.

Malaysian shutter hi thla hmasa khan an rama training a neihnaah a inhliam a, hliam a tawhna court hi tun hma pawha a hlauhawm tia a lo sawi tawh ṭhin a nih avangin an ram badminton thuneitute nen pawh an thu a inhmu lo hman hial.

World number 1 Chong Wei hi a khup vei lam na vang hian vawi thum a champion tawhna All England Championship-ah pawh hian inlan thei lo tura ngaih a ni. Mahse, a hliam dam chiang lo chungin Birmingham-ah hian a inkhel lui.

Kum 34-a upa Chong Wei chuan, "Inhnukdawk tur ka ni. Ka hliam a la dam fel lotih chu a chiang. All England a nih miau avangin ka inan lui hram," a ti. Inkhel dangah Lin Dan leh Chen Long te pawhin hnehna an chang ve bawk.