Celtics lakah Warriors chak lo

Nimin zing NBA regular season inkhelah Golden State Warriors chu Boston Celtics lakah 99-86 in an chak lo. Playoff khel tura tling chiang tawh Warriors tan kumina an vawi 12 chak lohna a ni a, chak loh nei tlem ber an la ni tho.

Oracle Arena, Oak­land-a inkhelah Kevin Durant a la inlan thei lo. American star hi a khup hliam vangin enkawl mek a ni a, a lo kir hun tur a la chiang lo. NBA Most Va­luable player nilai Ste­phen Curry chuan point 23 a score a, Khay Thompson-a'n point 25 a score bawk.

Eastern Conference lama pa­hnihna ni lai Celtics tan Isaiah Thomas (25 points) bakah Kelly Olynyk (17) leh Avery Bradley (12) ten an thawh hlawk hle. Celtics hi an conference table hma­hruaitu Cleveland Cavaliers aiin match khat chiahin an chak tlem.

Inkhel dangah San Antonio Spurs chuan Sacramento Kings 114-104 a hnehin tun hnai an match hnuhnung pakuaah hnehna an chang vek.