Match nga khel lo tur Tyrone Mings

Football Association chuan Bourne­mouth defender Tyrone Mings chu match nga chhung inkhel thei lo turin an hrem. Mings hian Manchester United nen 1-1 a an in­hnehtawk ṭumin Zlatan Ibrahimovic chu a luah a rap a, FA chuan kum 23-a upa defender chet dan hi tih luihah an ngai a ni.

FA hian Mings nghawk luitu Ibra chu match thum chhung inlan thei lo turin an lo hrem tawh bawk a, Bournemouth chuan FA thutluknaah an lungawi loh thu an sawi. Mings hian Bournemouth league match nga awm leh turah a hmel a lan thei dawn lo tihna a ni a, April 15-a Tottenham an hmachhawn hunah a inlan thei chauh ang.