Chhinga Veng an kaltluang

Mapuia Cricket League match hmasa bera hnehna an chan zawh loh hnuah Chhinga Veng an insiamṭha zel a, nimin khan 3C hian Kulikawn chu wicket rukin an hneh. Suaka Memorial Cricket Ground, Sihhmuia inkhel hi ruahsurin a tihbuai vangin DL method hmangin over tih tawi a ni a, Kulikawn hian over 18-ah run 78 vaw chhuakin wicket riat an hloh. 3C hian over 15-ah an target umphain hnehna an chang ta a ni.

Nimin inkhel hnuhnung zawkah Chanmarians chuan run khat leka an vawi hnih chakna ni turin Zarkawt Lords an hneh bawk. Chanmarians hian over 20-ah run 89 siamin wicket kua an hloh a, Zarkawt hian over 20-ah run 88 an siam tihin wicket an hloh vek a, a tlawm zawkah an ṭang ta a ni. Vawiinah inkhel a awm lo ang a, naktukah chhunzawm a ni ang.