Maradona an zalh ta

Football legend Diego Maradona chu Ningani khan Argentina khawpui Buenos Aires-ah an vui liam.

A vuina hunah hian a chhungte leh ṭhian hnai te chauh telin mi 25 vel an tel. Amaherawhchu Maradona thlah tura mipui pungkhawm erawh an ṭhahnem hle.

Maradona hi Nilaini zan khan lungphu chawl vangin a thi a, kum 60 mi a ni. A kuang hi Argentine forward ngainatuten an thlah theih nan presidential palace-ah dah a ni a, hmu tura mipui intlar pawh a thui hle.

Chawhnu lamah phei chuan Maradona kuang hmuh tuma intlar hi kilometre khat chuang an tling. Huin a daih loh avangin hmuh tuma pungkhawm zawng zawngin an hmu thei lo a, Police-in mipui hnawhdarh nan tear gas leh rubber bullets an hmang hial.

Diego thlah tuma tel ve pakhat Rubén Hernández chuan, "Ṭha takin kan intlar a, police-in rubber bullet an rawn kap, a mak khawp mai. Diego thlah kha kan tum chu a ni," tiin buaina siam an tum loh thu a sawi.

Football legend Maradona hi Buenos Aires khawpui dai fema awm Bella Vista cemetery-ah a chhungte bulah an phum a ni.