NECS Cup 2017 March 14 aṭangin last 16

NECS Cup 2017-ah team 16 chiah an dam tawh a, Ningani zan khan Chanmari YMA Hall-ah tie draw neih a ni. Aizawl DFA buatsaih Inter Village Tournament last 16 hi Lammualah March 14 aṭangin khelh ṭan a ni ang.

Team ṭha an tla!

NECS Cup inelnaah hian cham­pion lai Be­thlehem Veng­thlang FC chuan penalty shootout hmangin Zemabawk North an hneh lo a, 2015 champion leh nikum finalist Armed Veng chu Republic Veng lakah penalty shootout hmang bawkin an tla.

NECS Cup vawi nga­naah hian inelna hmasa pahnih champion Ramhlun South an la dam a, inelna hmasa bera finalist Leitan chu Electric Veng laka an tlawm tawh bawk avangin anni chiah hi team 16 zinga final lut tawh an ni.

Kalphung thar

Last 16 lut team 16 te chu group hnihah ṭhen an ni a, he round paltlang thei hian kalphung thar an hmachhawn ang. Quar­terfinal aṭangin league-a khelh tur a ni a, team pariat chu group hnihah ṭhen hran tur niin a sang pahnihin semifinal an lut ang.

LPS Vision chuan last 16 aṭang hian live-in a pechhuak dawn a, TṬ Royte Group chuan quarterfinal lutte hnenah jersey a pe dawn bawk. Group A-ah Chite Veng Vs Thingsulthliah, Dinthar Vs Ramhlun North, Venghlui Vs Ramhlun South, Republic Veng Vs Armed Veng South te awmin Group B-ah Luangmual Vs Chhinga Veng, Zemabawk North Vs Electric Veng, Chawnpui Vs Bawngkawn, Sihphir Venghlun Vs Bethlehem te an awm thung.

FIXTURES
Group A
March 14, Thawhlehni
11:00 AM Chite Veng Vs Thingsulthliah
01:00 PM Dinthar Vs Ramhlun North
March 15, Nilaini
11:00 AM Venghlui Vs Ramhlun South
01:00 PM Republic Veng Vs Armed Veng South
Group B
March 16, Ningani
11:00 AM Luangmual Vs Chhinga Veng
01:00 PM Zemabawk North Vs Electric Veng
March 17, Zirtawpni
11:00 AM Chawnpui Vs Bawngkawn
01:00 PM Sihphir Venghlun Vs Bethlehem