Sindhu leh Saina an tla

Saina Nehwal leh PV Sindhu te tan All England Open 2017 zinkawng a tawp. Zirtawpni khan Indian shuttler te hi khawvela badmintion inelna upa ber quarterfinal aṭanga vuak tlak an ni.

Kum 26-a upa Saina hian world number 3 Sung Ji Hyun chu 20-22, 20-22 in a hneh lo a, final vawi khat a lo khelh ve tawhna hmuna a beiseina a thamral. Inkhel dangah Sindhu chu Korean shuttler Sung Ji Hyun lakah minute 34 chhungin 14-21, 10-21 in a chak lo ve bawk.

Mipa singles lamah vawi thum champion tawh Lee Chong Wei chuan Chou Tien Chen hnehin final a lut a, semifinal lehlamah champion lai Lin Dan chu Shi Yuqi lakah 24-22, 21-11 in a chak lo bawk.