World Cup playoff-ah Wales Vs Ukraine

Zanin dar 9:30 hian Wales-in Cardiff City Stadium-ah Ukraine an mikhual dawn. Heta chak zawk hian World Cup an khelh dawn avangin inkhel a pawimawh takzet.

Gareth Bale-a telna Wales hian March 24 khan Austria hnehin playoff final hi an thleng a, Ukraine erawh Russia-in an run avangin inkhelh hun an sawn. June 2, Ningani zan khan Ukraine-in Scotland 3-1 in an hneh a, coach Oleksandr Petrakov hote team boruak a ṭha hle.

Wales hian qualifying round-ah vawi khat chauh an chak lo chungin playoff khel pha turin an match hnuhnung berah point hmuh an mamawh a, table-a pakhatna Belgium nen an inhnehtawk.

Dragons hian World Cup hi ṭum khat chiah an la khel a, kum 1958 hnuah an la khel leh lo. Ryan Giggs-a hun laiin an khel thei lo a, Gareth Bale-a hun tawp lamah khelh beiseina sang tak an nei.

Bale hian Austria an hneh ṭumin goal hnih a khung a, Ukraine lakah pawh en bik a hlawh ang. Chutihrualin Ukraine hi Russia-in a run avangin team boruak a ṭha a, an inpumkhat phah.

Ukraine hian playoff final thleng turin Scotland chu khualmualah an hneh thei a, Wales hi Cardiff-ah hmachhawn dawn mah se an hlau lo ang. Oleksandr Petrakov hian tawnhriat nei ṭha Roman Yaremchuk, Andriy Yarmolenko leh Oleksandr Zinchenko te a kawl a, beiseina sang tak an nei ang.

Thlirna Tawi
Inlan tura beiseite
Wales: Ward; Davies, Rodon, Ampadu; C Roberts, N Williams, Allen, Ramsey; James, Wilson; Bale
Ukraine: Bushchan; Karavaev, Zabarnyi, Matviyenko, Mykolenko; Stepanenko, Zinchenko, Malinovskyi; Yarmolenko, Yaremchuk, Tsygankov
Path A
March 24, Ningani
Wales 2 - 1 Austria
WAL : Gareth Bale 25', 51'
AUS : Marcel Sabitzer 65'
June 2, Ningani
Scotland 1 - 3 Ukraine
SCO : Callum McGregor 79'
UKR : Andriy Yarmolenko 33'; Roman Yaremchuk 49'; Artem Dovbyk 90+5'
June 5, Pathianni
Wales 9:30 PM Ukraine