FIFA World Cup khel turte chu

FIFA World Cup 2022 fixtures chu April 1, Zirtawpni khan Doha-ah pawh a lo ni tawh a, Wales leh Ukraine a chak zawk hi group B-ah England, Iran leh USA te nen an awm ho ang.

Kumin World Cup hi Qatar-ah November 21 aṭanga December 18 thleng khelh a ni dawn a, thlasik laia World Cup inelna neih hmasak ber tur a ni. Inkhel hi India ram aṭang chuan tlai dar 3:30, zan dar 6:30, 9:30 leh zan lai dar 12:30-ah te khelh a ni ang.

Semifinal inkhel pahnih hi zanlai dar 12:30-ah a thlir theih ang a, December 14-15 hian khelh a ni dawn. Final erawh Lusail Stadium-ah December 18, Pathianni zan dar 8:30-ah khelh a ni ang.

World Cup-ah hian team 32 an khel dawn a, team 29 a chiang tawh. Ukraine emaw Wales emawin hmunruak pakhat an hnawhkhat ang. Hmunruak pahnih dang hi intercontinental playoff hmanga khelh tur a ni.

June 13, Thawhṭanni zan hian South America aiawh Peru leh Asia aiawh te an khel dawn. Asia aiawh tur hi June 7, Thawhlehni zan hian United Arab Emirates leh Australia ten an zawng ang. Heta ṭanga tlang hi group D-ah France, Denmark leh Tunisia nen an awm ho ang.

June 14, Thawhlehni zanah North America aiawh Costa Rica leh Oceania aiawh New Zealand te an inkhel ang a, heta chak zawk hi Spain, Germany leh Japan te awmna group E-ah an awm ang.

Group Inṭhen Dan
Group A: Qatar, Ecuador, Senegal, Netherlands
Group B: England, Iran, USA, Wales/Ukraine
Group C: Argentina, Saudi Arabia, Mexico, Poland
Group D: France, UAE/Australia/Peru, Denmark, Tunisia
Group E: Spain, Costa Rica/New Zealand, Germany, Japan
Group F: Belgium, Canada, Morocco, Croatia
Group G: Brazil, Serbia, Switzerland, Cameroon
Group H: Portugal, Ghana, Uruguay, South Korea