Real Madrid-ah Rudiger a kal ta

Antonio Rudiger chuan Chelsea chhuah-sanin Real Madrid a zawm fel. Spanish club tan hian kum li daih contract a ziak a, a tira an inremna bak chu pawhsei theih tura tih a ni hran lo.

Germany inter-national hian 2017 khan AS Roma aṭangin Chelsea hi a zawm. Blues lamin a contract hi pawhsei an tum ṭhin a, mahse an inrem theih loh avangin European champion hi a zawm ta zawk.

Premier League club tan hian match 203 a khel hman, goal 12 khungin - FA Cup, Champions League, Europa League, Uefa Super Cup leh Club World Cup te a chawi pui hman a ni.

Khawtlang media ten an tarlan dan chuan, Blues hian kar khata £200,000 chuang hlawha cham turin an thlem. Amaherawhchu chona thar hmachhawn a duh, Bayern Munich ngei pawhin ngaihven mah se Real Madrid buk a rit ber.

Roman Abramovich thlaktu American investor Todd Boehly leh a ṭhianten tlarhnung hnawh khah dan an hriat a ngai dawn. Rudiger bakah hian Andreas Christensen leh Marcos Alonso te pawh chhuak tura sawi an ni a, captain Cesar Azpilicueta erawh chelh theih an beisei.