Neymar-a'n Pele a hnaih

Brazil tana goal khung hnem ber chu Pepe a ni a, legend Pele hian ram tan goal 77 a khung. King of Football tia sawi goal khung zat hi Neymar chuan a hnaih tawh hle, an inkarah goal li chauh a awm ta.

Ningani tlai zan Brazil chuan friendly match-ah South Korea 5-1 in an hneh. Seoul khawpuia inkhelah Paris Saint-Germain forward hian goal hnih a khung a, ram tan match 118 aṭangin goal 73 a khung tling ta chiah.

Neymar hi kum 30 mi chauh a la ni a, tluang taka a khel zel a nih chuan Pele-a record hi a khum ngei ang. World champion vawi nga ni tawh hian Thawhṭanni hian Tokyo khawpuiah Japan an hmachhawn leh ang.