Davis-a'n training a zawm

Bayern Munich defender Alphonso Davies chuan training a zawm thei leh tawh a, tun hnaiah erawh a la inkhel thei rih lo ang.

October thla khan Bayern leh Eintracht Frankfurt an inkhel a, inkhel ṭan aṭanga minute thumna lekah Davis hi ke rek hliam vanga thlak a ngai. Bayern coach Hansi Flick chuan, "Player theihna nei sang bik an hliam hi chu a pawi," tiin a sawi hial.

Season hmasa khan Davis hian Flick kaih-hruaina hnuaiah nasa takin hma a sawn, kum 20 mi chauh la ni mah se tlarhnungah rinrawl a ni phak - kuminah erawh hliam a nei a, a dam hunah pawh player dang nek chhuak tur chuan thapui a thawh a ngai ang.

German champion Bayern hian Bundesliga season kal laiah pawh hma an hruai leh der tawh, a elpui Dortmund nen an inthlauhna erawh point khat chauh a nih avangin chet sual a thiang lo. Zanin dar 8:00 hian VfB Stuttgart an hmachhawn dawn a ni.