Chelsea No.1 ka ni - Jose Mourinho

Manchester United manager Jose Mourinho chuan FA Cup-a Chelsea an hneh loh zawhah amah au eltu Blues ṭantute chu 'Chelsea number 1 ka la ni reng' tiin a chhanglet.

Mourinho hi London club-in ṭum hnih an ban a, heti chung hian United a enkawl avangin Blues ṭantuten an manager hlui an koh dan chu Juda (phat­santu) tih a ni. Por­tu­guese manager hian inkhelh laiin a kut zung ṭang pathum chu Chelsea fan-te a hmuh a, hei hian league nomawi pathum a lakpui tihna a ni.

Inkhelh banah Mou­rinho chuan, "Premier League nomawi pali chawi­pui thei an neih hma loh chuan kei hi an tan chuan No. 1 ka ni. He hun thlen hma chuan Juda hi Chelsea No. 1 ka ni," tiin Chelsea sup­porter-te a chhang let.

Kum 54-a upa Mou­rinho chuan London club hi 2005, 2006 leh 2015 khan league-ah a champion pui a, FA Cup vawi khat bakah League Cup nomawi vawi thum a chawi pui bawk. Portuguese mana­ger chuan, "An duh dan danin min ko thei a, kei chu professional kan nih avangin min chhawrtu club hi ka zah a ngai a ni," tiin mawi lo taka a chhanlet ve theih loh thu a sawi.