Sterling-a'n hattrick a siam

Manchester City-in Inrinni zan khan Brighton & Hove Albion 5-0 in an sawp a, Raheem Sterling-a'n hattrick a siam. Pep Guardiola hote hi pahnihna an ni chiang a, season tharah Champions League an khel dawn em tih erawh vawiina Court of Arbitration for Sport (CAS) thutlukna zir a ni ang.

Amex Stadium-ah Man City-in inkhel an thunun a, Sergio Aguero a awm lo tih reng a hriat loh. English winger Sterling-a'n hatrick a siam bakah Gabriel Jesus leh Bernardo Silva ten goal an khung. Pep Guardiola hote hi league match hnih chhung a zawnin 5-0 in an chak ta a, City hian September 2017 khan match thum chhung a zawnin 5-0 in an lo chak tawh. Man City hian Nilaini zan dar 10:30-ah Bournemouth an mikhual ang a, July 18 zanah Arsenal nen FA Cup semifinal an khel zui ang.