Eliminator round luh inchuh Zarkawt Lords vs Kulikawn CC
Mapuia Cricket League khelh mekah nimin khan Zarkawt Lords chuan wicket kuain Armed Veng ngam lo mah se inkhel hnuhnung zawkah Chanmarians-in wicket 10 ngawta Kulikawn an sawp ve leh avangin beiseina an la nei a, vawiin chawhma dar 9:30-ah vawi khat chiah chak la nei Kulikawn an hneh chuan eliminator round an lut ang.
Zarkawt hian Kulikawn hi an hneh a nih chuan team pahnihin league match-ah vawi khat ve ve hnehna an chang dawn tihna a ni a, mah se Zarkawt hi net run rate-ah an ṭhat zawk avangin eliminator round lut tur an ni - Kulikawnin awlsam taka tlawm an duh bik dawn lo.
Chanmarians chu qualifier 1 khel tura tling chiang tawh an ni a, vawiin chawhnu dar 1:00-a Chhinga Veng leh Armed Veng inkhela chak zawk zawkin Chanmari hi an hmachhawn ang. He inkhela chak lo zawk hian eliminator round-ah Zarkawt leh Kulikawn inkhela chak zawk an hmachhawn thung ang.