Essien-a'n Indonesian club a zawm
Chelsea leh Real Madrid midfielder hlui Michael Essien chuan Indonesian club Persib Bandung a zawm! Kum 34-a upa Essien hian nikum September thlaa Greek club ṭha Panathinaikos a chhuahsan hnuah club nei loin a awm reng a, Croatia leh Australian club ṭhenkhat nen sawizawm ve reng ni mah se Indonesia lam pan hi a thlang ta zawk a ni. Kum khatah euro 8,00,000 (Rs. 642,40,263) a hlawh dawn nia tarlan a ni.
Ghana tana vawi 58 inlan thei midfielder hian Persib-ah hian jersey number 5 a ha dawn a, a contract rei zawngin kum khat niin a ṭul dan a zirin kum khat dang pawhsei theih a ni ang. Essien hian Chelsea tan 2005-14 inkar a khelh chhungin Premier League (2), FA Cup (4), League Cup (1) leh UEFA Champions League nomawi a chawipui a, 2012-13 season-ah khan Real Madrid-ah loan-in a khel bawk.
Kum 2015-a Greece Superleague a pan hmaa Milan tan pawha khel tawh Essien hian a vanglai hun zawng zawng Stamford Brdige-ah a hmang tih theih a ni a, Chelsea tan a khelh chhung hian BBC African Footballer of the Year leh Chelsea Player of the Year dinhmun pawh a lo luah tawh a, London-a a pem hma Lyon tan a khelh laiin league nomawi pahnih lo chawi tawh bawkin 2003 leh 2005-ah Ligue 1 Team of the Year-ah telh a ni.