Rilru lam ngai pawimawh Baxter

Odisha FC coach thar Stuart Baxter chuan rilru lam huaisenna a dah pawimawh thu sawiin, "Eng harsatna karah pawh ka player-te chuan rilru huaisen tak an pu tur a ni," tiin a sawi. 

Kum 66 mi coach hian Odisha hi season thar lo awm tur atan a zawm a, India rama a hnathawh hmasa ber tur a ni ang - South Africa chu ṭum hnih a lo enkawl tawh. 

Kum 2000-2005 inkar khan South Africa hi a lo kaihruai tawh a, 2017-19 khan a enkawl leh bawk. England Under-19 leh Finland kaihruai tawh bawkin tawnhriat a ngah hle. 

English coach chuan, "Ruahmanna leh kalphung lo awm tawh sa te chu thlak hlawk ka tum hran lo. Thil awm sa leh ruahmanna thar te kan chawh pawlh ang a, player-te an phur theih nan theihtawp kan chhuah ang," a ti. 

Baxter hian ram team kaihhruai bakah club enkawl lamah pawh sulhnu a ngah hle. Japanese club Vissel Kobe, Swedish club Helsingborgs IF leh South African club lar Kaizer Chiefs-te chu club hrang hrang a enkawl tawh zingah an tel.