Contract thar hnartu Lukaku

Romelu Lukaku chuan Everton-in an club player hlawh hnem ber ni tura an sawmna a hnar! Toffees-in an striker tan hian karkhatah £140,000 bawr vel an zawrh a ni.

Lukaku hian kum hnih daih contract a neih lai chu pawh sei tumna nei rih lo mah se, a agent Mino Raiola chuan a player-in Goodison Park-a cham chhunzawm a duhna chu 99.9% zeta chiang a nih thu a sawi thung.

Kum 23-a upa Luka­ku hian tun season Pre­mier League-ah goal 19 khungin Tottenham striker Harry Kane nen an intluk a, a club hi league table-ah pasarihna a nihpui mek.

Belgium international striker hian Champions League khelh a duh thu a zep lo a, kum 2014-a pound maktaduai 28-a amah hraltu Chelsea lama kir leh a hreh lo nia sawi a ni. Everton hian an player duhlai hi an chelh thei dawn lo a nih chuan a manah pound maktaduai 60 zet chu a manah hian an phut ngei rin a ni.