April 22-ah Bagan lo zin dawn

Mizote nghahhlelh Mohun Bagan chu April 22 khian Aizawl FC nena I League match khel turin Aizawlah an rawn zin dawn.

International break neih a nih avangin April thla hma chuan I League match khelh tur a awm lo a, hmahruaitu ni mek Mizo club hian match li khelh tur an la hmabak a ni.

Aizawl FC hian April 9-ah Bengaluru lenchilhin April 15-ah Churchill Brothers hmachhawn turin Goa an pan ang a, Bagan an mikhual hnuah Shillong Lajong an lenchilh leh ang - Lajong an khelh hun erawh tihchian a la ni lo thung.

Mohun Bagan striker Jeje Lalpekhlua chuan, "Mizorama lo zin hi kan chak tawh a, ka team mate te pawhin Mizo mipui hmaa khelh an chak thu hi an sawi fo a ni," tiin Vanglaini palai hnenah a lo sawi tawh.