Eliminator round khel tur Kulikawn

Zarkawt Lords-in Mapuia Cricket League-ah sang tak thlen tumin sum inseng hnem mah se an tawpna chu league round a ni - Zarkawt club hian eliminator round lut turin Kulikawn an hneh ngai mah se nimin in­khelah run 68-in an ngam lo a, Kulikawn an tlang.

Suaka Memorial Cricket Ground, Sihhmuia inkhelah Kulikawn hian run 136 siamin wicket li chiah an hloh a, opener C. Lalrinsanga (37) leh Michael Lalremkima (40) te an chet ṭhat avangin Zarkawt tan target sang tak an tuk sak. Zarkawt Lords lamin theihtawp chhuah mah se over 18-ah run 66 chiah siama wicket an hloh vek avangin MCL an mangṭha a ṭul phah.

Kulikawnin elimi­nator round-ah nimin in­­khel hmasa zawka Chhinga Veng ngam lotu Armed Veng an hma­chhawn a ṭul dawn a, Chhinga Vengin Qualifier 1-ah Chanmarians an hmachhawn thung ang. Chhinga Veng hian over 20-ah run 108 chiah siamin wicket ruk hloh mah se Armed Veng lamin an umpha thei chuang lo a, over 20-ah run 95 chiah siama wicket an hloh vek avangin run 13-in an tlawm.

Naktukah eliminator round leh qualifier 1 hi khelh a ni ang.