World Relays tlan lo tur Bolt

Usain Bolt chuan April 22-23 a neih tur IAAF World Relays-ah a inlan loh thur thu a sawi chhuak. Jamaican sprinter hian a inlan dawn loh chhan chu hliam nei loa kum ṭha hman a duh vang a nih thu a sawi tel bawk.

Kum 30-a upa Bolt chuan, "Ka coach-in World Relays chungchang engmah a sawi lo. Hliam nei loa ka chawlh hun tur nghah ka duh avangin Bahamas-ah ka inlan dawn lo a ni," a ti.

100m leh 200m-a world record neitu Bolt hian kuminah intlansiak chawlhsan a tum a, June 10 khian a hnuhnung ber atan an rama neih tur Racers Track Club Grand Prix-ah a inlan ang.

Rio Olympic-a gold medal pathum latu Bolt hi June thla a neih tur World Championships-ah a inlan dawn bawk a, hetah hian qualifying neih ngai loin a tling chiang nghal.

Bolt chuan, "Tunah rih chuan thil engkim a kal tluang rih hle. Ṭha takin inbuatsaihna ka nei thei a, a pawimawh ber chu hliam nei loa kal tluan hi a ni," tiin a sawi.