Match 53 chak thei Golden State Warriors

NBA regular season kal mekah Golden State Warriors chuan vawi 53 an chakna ni turin nimin zing khan Philadelphia 76ers 106-104 in an hneh.

Oracle Arena, Oakland-a in­khelah Most Valuable Player ni­lai Stephen Curry chuan court chhungah minute 37 hun a hman chhungin point 29 a score, kum 29 tlin champha lawmtu Curry hi Warriors tana point score hnem ber a ni.

Nikum NBA Finals-a chak lo zawk Golden State hian regular season-ah match 14 chiah chak loh an la nei a, season tawp lama play­- off khel turin an tling der tawh. Zirtawpni zing dar 8:00-ah Orlando Magic an hmachhawn leh ang.

Inkhel dangah champion no­mawi kawltu Cleveland Cavaliers chuan Detroit Pis­tons lakah 128-96 in hnehna an chang ve thung a, Cavs hi vawi 44 an chakna chiah niin ṭum 22 zet chak loh an nei tawh.